Ümumdünya yol-nəqliyyat hadisələri qurbanlarının xatirə günüdür - FOTO

Bu gün Ümumdünya yol-nəqliyyat hadisələri qurbanlarının xatirə günüdür. Xatirə günü 26 oktyabr 2005-ci ildə BMT Baş Məclisinin qəbul etdiyi “Bütün dünyada yol hərəkəti təhlükəsizliyinin artırılması” adlı Qətnamə ilə təsis edilib. Xatirə günü hər il noyabr ayının 3-cü bazar günü qeyd edilir. Bu il Xatirə günü 21 noyabrda qeyd edilir.

Hər il təxminən 1,35 milyon insan yol-nəqliyyat hadisələri nəticəsində ölür. Belə qəzalar 5-29 yaş arası gənclərin ölümünün əsas səbəbidir. Yol-nəqliyyat hadisələri nəticəsində ölənlərin yarısını piyadalar, motosikletçilər və velosipedçilər təşkil edir.

Azərbaycanda hər il baş verən qəzalarda ölənlərin 50 faizə yaxını piyadalardır. Piyadaların ölümü ilə nəticələnən qəzaların yarıdan çoxu günün qaranlıq vaxtlarına düşür. Ona görə də bütün yolların işıqlandırılmaması çox ciddi problemdır.

Yol şəraitini yaxşılaşdırmaq vacib elementdir. Yoldan korrupsiya yolu ilə pul tutanların şərəfi, ləyaqəti yoxdur. İnsanlar məhz onların pul qazanmasının qurbanı olur…