Xakkerlər ABŞ-da bütöv bir əyaləti yanacaqdan məhrum ediblər

11 May Çərşənbə axşamı Florida Qubernatoru Ron Desantis yaxınlaşa biləcək yanacaq çatışmazlığı səbəbindən fövqəladə vəziyyət elan etməli olub.

Avtosfer.az-ın əldə etdiyi məlumlatda bildirilir ki, xakkerlər ABŞ-ın ən böyük boru kəməri şirkəti olan “Colonial Pipelin”ə hücum edib və şirkət gözlənilmədən bağlanmaq qərarı alıb. Bunun nəticəsində ölkədə yanacaq tədarükü kəsilib. 8 maydan etibarən hücuma məruz qalan şirkətin kompyuter sisteminə zərərli proqram yüklənilib. Xakkerlərin tələb etdiyi fidyə pulu ödənənə qədər bütün sistem bloklanmağa davam edəcək. Bu hal Florida üçün ciddi bir təhlükə yaradır. Boru Kəməri tam işlək vəziyyətdə olana qədər dövlət yanacaq tədarükünü azaldıb.
Fövqəladə vəziyyət 30 gün davam edəcək.

Qeyd edək ki, “Kolonial Boru Kəməri” Texasdan ABŞ-ın şərq sahillərinə qədər istehlak edilən bütün yanacağın təxminən 50% -ni təmin edir.