Yol polisi məşhur aktyoru sərxoş vəziyyətdə saxladı; cərimə yazıb, bölməyə apardı - FOTO

Məşhur fransız aktyoru Jerar Depardiye yol polisi tərəfindən saxlanılıb. Avtosfer.az xəbər verir ki, hadisə paytaxt Parisdə baş verib. Bu barədə “Le Point” qəzeti məlumat yayıb.

Nəşrin məlumatına görə, aktyor idarə etdiyi skuterlə svetoforun qırmızı işığının yanmasını “dayan xətti”nin üzərində gözləyib. Bu qayda pozuntusu isə yol patrul əməkdaşının gözündən qaçmayıb. Saxlanılan Depardiye ilə söhbət aparan asayiş keşikçisi, onun sərxoş olduğunu hiss edib. Bundan sonra testdən keçirilən aktyorun spirtli içki qəbul etdiyi məlum olub. Məşhur özü də günahını etiraf edərək bir neçə bakal pivə içdiyini boynuna alıb.

Polislər ona inzibatı qayadada protokol tərtib edib bölməyə aparıblar, skuteri isə cərimə meydançasına yerləşdiriblər.

Bir müddət bölmədə qalan Jerar Depardiye, daha sonra dostları tərəfindən çıxarılıb.

Namiq Musayev