Yük avtomobilindən qanunsuz xarici valyuta aşkarlanıb - FOTO
Gündəm
1 İyul 2020 11:25
Oxunub 802

Faktla bağlı araşdırma aparılır
Dövlət Gömrük Komitəsinin (DGK) Qərb Ərazi Baş Gömrük İdarəsinin əməkdaşları xarici valyutanın ölkənin gömrük sərhəddindən bəyan etmədən keçirilməsinin qarşısını alıblar.
DGK-ya Avtosfer.az-a verilən məlumata görə, idarənin "Qırmızı Körpü" gömrük postunda Gürcüstana gedən " Mercedez-Benz Atego" markalı nəqliyyat vasitəsi saxlanılıb və sürücüsü şifahi sorğu-sual olunub. Bu zaman vətəndaş idarə etdiyi avtomobildə gömrük nəzarətindən gizlədilən və bəyan edilməyən hər hansı predmetin olmadığını bildirib. Yoxlama zamanı nəqliyyat vasitəsinin salonunda köynəyə bükülü halda gömrük nəzarətinə bəyan edilməyən 22 400 ABŞ dolları aşkar edilib.
Faktla bağlı araşdırma aparılır.
Namiq Musayev
ŞƏRH YAZ
DİGƏR XƏBƏRLƏR













