Yük təyyarəsi qəzaya uğradı; azı 17 nəfər öldü - FOTO

Cənubi Sudanda yük təyyarəsinin qəzaya uğraması nəticəsində azı 17 nəfər ölüb. Avtosfer.az xəbər verir ki, hadisə avqustun 22-də paytaxt Djubada baş verib. Bu barədə “Sinhıua” agentliyi məlumat yayıb.

Məlumata görə, Vau şəhərində Aveylə uçan yük təyyarəsi aeroportdan qalxdıqdan bir neçə dəqiqə sonra, şəhər məhəllələrinin birinin ərazisinə düşüb və yanıb.

Bildirilir ki, bir gün əvvəl yağan güclü leysan səbəbindən ərazi bataqlığa çevrilib və ora heç bir texnika, təcili tibbi yardım daxil ola bilmir. 

Hadisə şahidi Cosef Mayona agentliyin müxbirinə bildirib ki, göyərtədə 2-si heyət üzvü olmaqla, 17 nəfərin cəsədini sayıb.

Qeyd edilir ki, hələlik qəzadan yalnız bir nəfər xilas edilərək xəstəxanaya çatdırılıb.

Digər təfərrüatlarla bağlı məlumat verilmir.

Namiq Musayev