Yük təyyarəsini 6700 metr hündürlükdə ildırım vurdu; ekipaj təcili qəza enişi etdi

Yaponiyanın “Japan Cargo Airlines” şirkətinə məxsus yük təyyarəsi “Narita” hava limanına təcili qəza enişi edib. Avtosfer.az xəbər verir ki, buna səbəb hava gəmisinin füzelyajına ildırım düşməsi olub.

“NHK” telekanalının məlumatına görə, insident iyulun 26-dan 27-nə keçən gecə baş verib.

Qeyd edilir ki, “Narita” aeroportundan ABŞ-ın Alyaska ştatına istiqamətlənən “Boeing 747”ni, uçuşdan təxminən 20 dəqiqə sonra 6700 metr hündürlükdə ildırım vurub və bundan sonra pilot geri dönməyə qərara verib. 

Hadisə nəticəsində 5 ekipaj üzvündən ölən və ya xəsarət alan olmayıb.

Hazırda mexaniklər təyyarəyə dəymiş zərəri aradan qaldırmağa çalışırlar.

Namiq Musayev