“28 May”dakı mağaza sahibinə qarşı internetlə bağlı fırıldaq - ANBAAN VİDEO - FOTO

Bakıda kosmetika mağazaların birində qeyri-adi fırıldaqçılıq hadisəsi baş verib.

Avtosfer.az bu barədə Baku.ws-ə istinadən xəbər verir.

Məlumata görə, hadisə “28 May” metro stansiyasının yaxınlığındakı mağazada qeydə alınıb.

Belə ki, mağazaya daxil olan şəxs özünü fiber-optik xətt çəkən internet mütəxəssisi kimi təqdim edib. Hətta mağaza nümayəndələrinə İP ünvan da verib və bununla sürətli internetdən istifadə edəcəklərini bildirib.

Daha sonra xidmət haqqı kimi 38 manat istəyib. Mağazadan ona 50 AZN verilib.

Bundan sonra şəxs qalıq pulu vermək üçün çöldə onu xırdalamağa çıxıb. Lakin bir daha geri qayıtmayıb.

Hadisə ilə bağlı hüquq mühafizə orqanlarına müraciət edilib, araşdırma aparılır