42 yaşlı qadın onu hədələyən şəxsdən polisə şikayət etdi

Şəkidə şantajla üzləşdiyini bildirən qadın polisə müraciət edib.

Avtosfer.az xəbər verir ki, rayon polis şöbəsinə şikayət ərizəsi ilə müraciət edən 1981-ci il təvəllüdlü Ş.Əliyeva tanışı R.İsgəndərovun onu fotoları ilə şantaj etdiyini bildirib. Qadın qeyd edib ki, həmin şəxs onu intim fotolarını yayacağı ilə hədələyib və 2 min manat pul tələb edib.

İlkin araşdırmalar zamanı qadına hədə-qorxu gəlmiş şəxsin əvvəllər xuliqanlıq əməlinə görə məhkum edilməsi məlum olub.

Araşdırmalar davam etdirilir. (qafqazinfo)