"50" nömrəli avtobusun sürücüsündən özbaşınalıq: "Nəğd pulun yoxdursa, düş aşağı" - VİDEO

Paytaxtın Suraxanı rayonu yeni Günəşli qəsəbəsinin sakinlərinin marşurut problemi yaranıb.

Avtosfer.az xəbər verir ki, sakinlər ərazi üzrə təyin edilmiş "50" mömrəli avtobusun sürücüsündən şikayətçidirlər.

Bu barədə BAKU.WS-in "Qaynar Xətti"nə video və məlumat daxil olub.

Sakinlər qeyd edib ki, gündəlik olaraq istifadə etdikləri avtobus 40-45 dəqiqə gecikmə intervalı ilə hərəkət edir. Bununla yanaşı sözügedən marşurut xəttinin sürücüsü sərnişinlərlə kobud rəftar edir. 

Avtobusda "BakıKART"la ödəniş üçün aparat yerləşdirilsə də, işləmir. Sürücü avtobusa minən sərnişinlərdən nəğd ödəniş etmələrini tələb edir. Bunu etmədikdə onların marşurutdan enmələrini istəyir.

Bəzi sərnişinlər ödənişi nəğd formada sürücünün arxasında əyləşən şəxsə verirlər.