Adrenalin yaşamaq istəyən sürücü baxın nə etdi - VİDEO

Piyadalar üçün nəzərdə tutulmuş ərazidə at oynatdı, insanlara dəqiqələrlə qorxu dolu anlar yaşatdı.
Avtosfer.az xəbər verir ki, sosial şəbəkələrdə maraqla qarşılanan olay Rusiyanın Sankt-Peterburq əyalətində qeydə alınıb. Müşahidə kameralarına anbaan əks olunan görüntüdən aydın olduğu kimi təmir işlərinin getdiyi parkın önündə anidən hərəkətə keçən avtomobil piyadaları şoka salıb. Kontrolsuz şəkildə irəliləyən maşın insanların üzərinə şığıyaraq dümdüz istiqamətdə aşağı enməyə başlayıb. Pilləkənlərdən də keçərək avtomobillərin dayandığı yerə düşən avtomobil xəbərsiz olan dörd piyadanı vurub, parklanmış maşınlardan beşinə xəsarət yetirib. Sonda fəaliyyətini dayandırmağa müvəffəq olan avtomobil sürücüsü yüngül xəsarətlər alıb, maşınının ön hissəsi isə sıradan çıxıb. 
Faktla bağlı araşdırma aparılarkən sürücünün özündə olduğu və bu hərəkəti qəsdən etdiyi müəyyənləşib. Belə ki, o, adrenalin yaşamaq istədiyini məhz bu məqsədlə hər şeyi gözə aldığını qeyd edib. Bir sözlə, “cürətkar” sürücü qaydaları gözardı etmək bir kənara, insan həyatına son qoya biləcəyini də nəzərə alaraq bəhanələrə sığınmadan etdiyi əməli etiraf edib.

Nərmin Əkbər