Ankarada boşanma prosesində olduğu həyat yoldaşı, 38 yaşlı Zülfi Ç.ni bıçaqla öldürən 37 yaşlı Yaşar Ç. hadisədən sonra qaçdığı boş ərazidə avtomobilində özünü yandıraraq intihar edib.

Avtosfer.az-ın Türkiyə mediasına istinadla məlumatına görə, hadisə Yenimahalle mahalı, Ergenekon Məhəlləsi Beyazköy küçəsindəki evdə baş verib .

İddiaya görə, cütlük arasında var-dövləti bölüşə bilməmək üstündə dava düşüb. Yaşar Ç. həyat yoldaşını dəfələrlə bıçaqladıqdan sonra qaçıb. Səs-küyü eşidən ətrafdakıların xəbəri üzərinə hadisə yerinə çox sayda sağlamlıq və polis qrupları sövq edilib. İlk müdaxilədən sonra həkimlər Zülfi Ç.nin öldüyünü müəyyən edib.

Şübhəli Yaşar Ç.nin tutulması üçün ortaq iş başlatan polis və jandarma qruplarına, Batıkentdə boş sahədə avtomobildə partlayış olduğu bildirilib. Hadisə yerinə gedən qruplar qətlin şübhəlisi Yaşar Ç.nin içində olduğu avtomobili yandıraraq intihar etdiyini müəyyən edib. Hadisə ilə bağlı araşdırmaların davam etdiyi bildirilib.

Digər tərəfdən, cütlüyün 13 ildir evli olduğu, Yaşar Ç.nin həyat yoldaşından 1 ildir qorunma tədbiri ilə ayrıldığı və 2 uşaqları olduğu öyrənilib.

lent.az