Arvadını, sonra özünü GÜLLƏLƏDİ

İrəvanın Romanos Melikyan və Tiçin küçələrinin kəsişməsində atəş açılıb, 2 nəfər yaralanıb: 1 qadın və 1 kişi.

Təcili tibbi yardım maşınları onları evin yaxınlığındakı xəstəxanaya çatdırıblar. Adıçəkilən evin yaxınlığındakı “Lada” və “Opel” markalı avtomobillərdə qan və silah izləri aşkar edilib.

Hadisə yerinə toplaşanlar bildiriblər ki, zərərçəkənlər boşanma işi məhkəmədə olan ər-arvaddır.

“Onlar boşanıblar. Və bu gün ər “Lada” ilə göstərilən yerə gəlib, “Opel”in, yəni taksinin qarşısında dayanıb, kişi maşından düşüb və arvadına 2 dəfə, sonra özünə 1 dəfə atəş açıb”, - məlumatda qeyd edilir.

Adam öldürməyə cəhd faktı ilə cinayət işi açılıb. (lent.az)