Avtobus dayanacağında “ruçnoy” çəkərək insanları qorxuya saldı - VİDEO
Əks tərəfdən gələn avtomobillərin yoluna çıxan sürücü avtoxuliqanlıq edərək təhlükə saçdı.
Avtosfer.az xəbər verir ki, sosial şəbəkələrdə müzakirə obyektinə çevrilən qayda pozuntusu paytaxt ərazisində qeydə alınıb. Həvəskarın lentə aldığı görüntülərdən də aydın olduğu kimi “VAZ-2107” markalı, 10-OX-401 dövlət nömrə nişanlı avtomobilin sürücüsü maşınların azlığından istifadə edərək gəldiyi yoldan əks istiqamətə dönməyə cəhd edib. Belə ki, əl əyləcini çəkən sürücü təkərlərin yolun səthi ilə sürtünməsi səsləri çıxararaq və təkər izləri buraxaraq arxadan gələn maşına təhlükə yaradıb.
Qeyd edək ki, sürücünün törətdiyi qayda pozuntusu avtoxuliqanlıqlıq göstəricilərinə əsaslandığı üçün İnzibati Xətalar Məcəlləsinin 511.1-ci maddəsiylə nizamlanır.
Nərmin