Avtomobili qaçırdı, sonra da qəza törətdi

Xaçmazda avtomobil qaçırılıb.

Daxili İşlər Nazirliyindən Avtosfer.az-a verilən xəbərə görə, dekabrın 23-də Xaçmaz rayonu ərazisindən “BMW” markalı avtomobilin qaçırılması barədə polisə məlumat daxil olub.

Məlumatla əlaqədar rayon Polis Şöbəsi əməkdaşları tərəfindən müvafiq tədbirlər keçirilib. Avtomobili qaçıran şəxsin Xudat şəhəri ərazisində yol-nəqliyyat hadisəsi törədərək xəsarət alması və xəstəxanada ona ilkin tibbi yardım göstərilməsi müəyyən olunub.

Nəqliyyat vasitəsini qaçırmaqda şübhəli bilinən rayon sakini O.Xalıqov saxlanılıb.

Faktla bağlı Xaçmaz rayon Polis Şöbəsində araşdırma aparılır.