Avtomobilin sükanını buraxan sürücü görün nə etdi - VİDEO

Avtomobilin idarəsini buraxdı, cəsarətli şəkildə şou göstərdi. 
Avtosfer.az xəbər verir ki, qeyri-adi hadisənin görüntüləri İngiltərənin paytaxt küçələrindən birində qeydə alınıb. Sosial şəbəkələrdə heyrətlə qarşılanan video bir qisim tərəfindən cəsarətli addım kimi dəyərləndirilsə də, qalan kütlənin qınaq obyektinə tuş gəlib. Hadisədən bəlli olduğu kimi yolda hərəkət edən üstü açıq avtomobilin sahibi ayağa qalxaraq sükan çənbərini qismən buraxıb və oturacağından dayaq alaraq ayaqlarını arxa oturacağa qədər uzadıb. Daha sonra  qarşı yolu kontrol edən “akrobat” sürücü sükanı tam buraxaraq əllərini havaya qaldırıb. Şousunu tamamladıqdan sonra sükan arxasına əyləşərək yoluna davam edib.
 Hər nə qədər cəsarətli bir addım kimi qarşılansa da, sürücü kimi insanlara doğru obraz göstərdiyini demək yanlışdır. Sükan arxasında əyləşən sürücünün ikiqat məsuliyyət daşıdığını nəzərə alaraq, belə şouların avtomobil idarəsi zamanı nümayiş etdirilməsi tamamilə qəbuledilməzdir. 

Nərmin Əkbər