Avtomobilin şüşəsinə yumruq atan “Prius” sürücüsü baxın necə hədə-qorxu gəldi - VİDEO

Törətdiyi qayda pozuntusu ilə kifayətlənmədi, sürücünü hədələməyə başladı.  
Avtosfer.az xəbər verir ki, sosial şəbəkələrdə qınaq obyektinə çevrilən hadisə paytaxtın mərkəzi küçələrindən birində qeydə alınıb. Sərnişinin lentə aldığı görüntülərdən də məlum olduğu kimi sağ tərəfdə saxlayan “Toyota Prius” markalı, 77-GS-319 dövlət nömrə nişanlı avtomobilin sürücüsü digər maşın idarəçisinin üzərinə gəlib. Belə ki, o, ilk olaraq avtomobildən düşərək mübahisə etdiyi şəxsin maşınının qapısını açmağa cəhd edib. Qapının bağlı olduğunu görəndən sonra isə şüşəsini yumruqlamağa və hədə-qorxu gəlməyə başlayıb. Sürücünün sözlərinə görə onu hədələyən “Prius” idarəçisi yolda xuliqanlıq edərək onun maşınını vurub. Günahkar olduğu halda özünü haqlı çıxarmağa çalışan sürücü avtomobilinə mindikdən sonra da üzünü zərərçəkənə doğru yönəldərək nalayiq ifadələrlə onu hədələməyə davam edib. 

Nərmin