Azərbaycan incəsənətinə AĞIR İTKİ

Azərbaycan incəsənətinə ağır itki üz verib.

Xalq rəssamı Fərhad Xəlilov 77 yaşında vəfat edib. Bu barədə mərhumun yaxın dostları bildirib.

Xatırladaq ki, Fərhad Xəlilov 1946-cı ilin oktyabr 26-da Bakıda anadan olub. O, 23 saylı orta məktəbdə təhsil alıb.

İlk peşə təhsilini isə 1961-1966 illərdə Əzim Əzimzadə adına Azərbaycan Dövlət Rəssamlıq Məktəbində alıb.1966-1968-ci illərdə Stroqanov Rəssamlıq Məktəbində, 1969-1975-ci illərdə Moskva Poliqrafiya İnstitutunda öz təhsilini davam etdirib.

Xalq rəssamı 1987-ci ildə Azərbaycan Rəssamlar İttifaqının sədri seçilib. Onun yaradıcılığında Abşeron motivləri əhəmiyyətli yer tutur.

Fərhad Xəlilovun əsərləri dəfələrlə Avropada, həmçinin müxtəlif qalereya və sərgilərdə nümayiş etdirilib. (baku.vs)