Azərbaycan yığmasının həkimi təyyarədə halı pisləşən sərnişini xilas etdi
Hadisə 29 Avqust 2022 19:15 Oxunub 572
Azərbaycan yığmasının həkimi təyyarədə halı pisləşən sərnişini  xilas etdi

Qadın futbolçulardan ibarət Azərbaycan milli komandasının həkimi Bakı - İstanbul aviareysində səhhəti pisləşən sərnişini xilas edib.
Avtosfer.az xəbər verir ki, hadisə bu gün Bakı vaxtı ilə 11:45-də Bakıdan İstanbula uçan Türk Hava Yollarının təyyarəsində baş verib.
Təyyarə havaya qalxdıqdan 2 saat sonra sərnişin özünü narahat hiss edib. Sərnişin həkimlərə bildirib ki, sinəsində ağrılar var və getdikcə həmin ağrılar şiddətlənir. Təyyarə heyəti sərnişini ilkin müayinədən keçirsə də, onun səhhətini yaxşılaşdırmaq üçün dərman preparatı tapılmayıb.

Həmin təyyarədə Maltaya yarışa gedən qızlardan ibarət Azərbaycan futbol yığması da uçduğu üçün halı pisləşən sərnişinin köməyinə komandanın həkimi çatıb. Həkim sərnişini ehtiyat tibb çantasından lazım olan dərmanla təmin edib və daha sonra xəstənin halı normallaşıb.

Həkim sərnişindən təcili ürəyini kordioqramma etməsini tələb edib və təyyarə İstanbulda endikdən sonra xəstə klinikaların birində həkim nəzarətinə alınıb.

ŞƏRH YAZ
Ad

E-mail

Şərh