Bacı qardaşları ilə birləşib azərbaycanlı qızları belə SATDI

Azərbaycanlı qızları xaricdə cinsi istismara məruz qoyan dəstə üzvlərinə hökm oxunub.

Tovuz rayon sakini Arzu Qəhrəmanova qardaşları Azər və Rəşad ilə qabaqcadan əlbir olmaqla cinayətkar qrup təşkil edərək 2016-2019-cu illər ərzində Azərbaycan vətəndaşları olan qadınları işə düzəltmək adı ilə aldadaraq insan alveri məqsədi ilə cəlb edərək, Türkiyənin Bursa şəhərinə aparıb və cinsi istismara məruz qoyublar.

Qeyd olunan şəxslər barəsində DİN-in Baş Mütəşəkkil Cinayətkarlıqla Mübarizə İdarəsinin İstintaq və Təhqiqat İdarəsində cinayət işinin istintaqı yekunlaşdırılaraq baxılması üçün Gəncə Ağır Cİnayətlər Məhkəməsinə göndərilib. Məhkəmənin hökmü ilə Arzu Qəhrəmanova 3 il, Azər Qəhrəmanov 8 il azadlıqdan məhrumetmə, Rəşad Qəhrəmanov isə 3 il müddətinə azadlığın məhdudlaşdırılması cəzasına məhkum olunublar. (lent.az)