Bakda 3 piyada xəsarət aldı

Bakıda ötən gün bir neçə piyadavurma qeydə alınıb.

Avtosfer.az APA-ya istinadla xəbər verir ki, NZS qəsəbəsində qeydə 1970-ci il təvəllüdlü Əliyeva Sevinc İbrahim qızı yolu keçərkən onu minik avtomobili vurub.

Yaralı sağ ayaq sümüyünün sınığı diaqnozu ilə Kliniki Tibbi Mərkəzə yerləşdirilib.

Faktla bağlı avtotexniki ekspertiza təyin edilib.

Digər bir hadisə 8 Noyabr prospektində baş verib.

Nargilə dairəsində yolun piyada üçün müəyyən edilməmiş hissəsindən keçən 1967-ci il təvəllüdlü Hacıyev Camal Hacıbala oğlunu minik avtomobili vurub. Yaralı qapalı kəllə-beyin travması və sağ ayağın sınığı diaqnozu ilə Sabunçu Tibb Mərkəzinə yerləşdirilib. Həkimlərin verdiyi məlumata görə, onun vəziyyəti ağır kimi qiymətləndirilir.

Nizami rayonu ərazisində, Qara Qarayev prospektində isə 1994-cü il təvəllüdlü Umudov Xəyal Həsən oğlu yolu keçərkən onu minik avtomobili vurub. Yaralı ağır vəziyyətdə Sabunçu Tibb Mərkəzinə yerləşdirilib.

Faktla bağlı avtotexniki ekspertiza təyin edilib.

Hər üç faktla bağlı araşdırma aparılır.