Bakıda avtomobildən 9 min manatdan çox pul və sənədlər oğurlanıb

Bakının Binəqədi rayonunda avtomobildən oğurluq edilib. Daxili İşlər Nazirliyinin (DİN) mətbuat xidmətindən Avtosfer.az-a verilən xəbərə görə, martın 19-da rayon ərazisində bir avtomobildən 4 750 manat və 2 650 ABŞ dolları, ev açarları və sənəd oğurlanması barədə polisə məlumat daxil olub. Binəqədi Rayon Polis İdarəsinin 40-cı Polis Bölməsi əməkdaşlarının keçirdikləri əməliyyat-axtarış tədbirləri nəticəsində oğurluqda şübhəli bilinən Abşeron rayon sakini S. Həsənov saxlanılıb.