Bakıda gənc oğlan nişanlısını qaçıran şəxsə 16 bıçaq zərbəsi vurdu
Hadisə 16 Dekabr 2022 12:21 Oxunub 356
Bakıda gənc oğlan nişanlısını qaçıran şəxsə 16 bıçaq zərbəsi vurdu

Ali Məhkəmədə xuliqanlıq və qəsdən adam öldürməyə cəhddə təqsirləndirilən Mahsun Təhməzli barəsindəki hökmdən verilən kassasiya şikayətinə baxılıb.

Avtosfer.az-ın əldə etdiyi məlumata görə, hakim Tahir Kazımovun sədrlik etdiyi prosesdə qərar elan olunub.

Qərara əsasən, kassasiya şikayəti qismən təmin edilib, məhkum barəsində Bakı Apellyasiya Məhkəməsinin çıxardığı qərar dəyişdirillib. Onun Cinayət Məcəlləsinin (CM) 221.3-ü (xuliqanlıq) maddəsi ilə məhkum edilməsinə dair hissədə ləğv edilib və həmin hissədə cinayət işi üzrə icraata xitam verilib. Məhkum üzərində ona Bakı Ağır Cinayətlər Məhkəməsinin CM-in 29,120.1-ci (qəsdən adam öldürməyə cəhd) maddəsi ilə təyin edilib və 7 il 10 ay 15 müddətinə azadlıqdan məhrumetmə cəzası saxlanılıb. Qərar qalan hissədə dəyişdirilmədən saxlanılıb.

İttihama görə, 2002-ci il təvəllüdlü Mahsun Təhməzli Zərifə Quliyeva (şərti) ilə nişanlı olub. Lakin qız 29 noyabr 2020-ci il tarixdə uzun müddət sevgi münasibətləri olan qohumu İ.İsabalazadəyə evlənmək məqsədilə könüllü qoşulub qaçıb. Daha sonra Mahsun Zərifə ilə nişanı pozub. Oğlanla qızın bu hərəkəti ona çox pis təsir edərək bunu özünə qarşı təhqir kimi qəbul edib, namusuna, tanış və qohumları arasında nüfuzuna ləkə gətirdiyini düşünüb.

O, zərərçəkmiş İ.İsabalazadəyə qohumu vasitəsi ilə xəbər göndərməklə onu görüşə çağırıb.

Mahsun Təhməzli 17 yanvar 2021-ci il tarixdə saat 20:30 radələrində paytaxtın Nizami rayonu, H.Əliyev prospekti 118 ünvanında, metronun “Koroğlu” stansiyasının qarşısında zərərçəkmiş şəxs ilə görüşüb. Söhbət zamanı o, İ.İsabalazadəyə ümumilikdə 16 ədəd bıçaq xəsarəti yetirib.

Xəstəxanaya çatdırılan yaralının həyatını xilas etmək mümkün olub.

Bakı Ağır Cinayətlər Məhkəməsinin hökmü ilə o, 8 il müddətinə azadlıqdan məhrum edilib. Bakı Apellyasiya Məhkəməsi isə şikayəti təmin etməyib.

Pravda.az

ŞƏRH YAZ
Ad

E-mail

Şərh