Bakıda kişi azyaşlı qızlara qarşı qeyri-etik hərəkətlər edib: Polis hərəkətə keçdi - VİDEO

Bakıda kişi küçədə məktəbli qızlardan birinə yaxınlaşıb.

Bu barədə Baku.ws-in “qaynar xətti”nə məlumat daxil olub.

Naməlum şəxs məktəbdən evə qayıdan azyaşlıya yaxınlaşaraq onu kənardakı mağazaya aparmaq istəyib.

Məktəbli onun təklifini rədd edib. Baş verənlər ətrafdakı təhlükəsizlik kamerası tərəfindən lentə alınıb.

Onun başqa məktəbli qızlara da yaxınlaşdığı ehtimal olunur.

Bakının Nərimanov rayonunda azyaşlıya qarşı qeyri-etik hərəkətlər edən şəxsin saxlanılması istiqamətində tədbirlər görülür.

Bunu Daxili İşlər Nazirliyinin mətbuat xidmətinin şöbə rəisi Elşad Hacıyev bildirib. 

Araşdırmalarla məlum olub ki, həmin şəxs digər azyaşlıya qarşı da bu məzmunda hərəkətlər edib.

Həmin hadisənin görüntüləri təqdim edirik: