Bakıda məmur olmaq istəyən şəxsə 20 minlik DƏLƏDUZLUQ

Bakıda işə düzəltmə adı ilə dələduzluq edilib.

Paytaxt sakini E. Əliyev Cinayət Məcəlləsinin 178.2.4-cü (dələduzluq, xeyli miqdarda törədildikdə) maddəsilə ittiham olunur.

Əldə etdiyimiz məlumata görə, E. Əliyev özünü işgüzar şəxs kimi təqdim edərək, digər Bakı sakinini işə düzəltmək adı ilə aldadıb. Belə ki, o, İqtisadiyyat Nazirliyi yanında Dövlət Vergi Xidmətinin İdxal-ixrac Əməliyyatlar üzrə Baş İdarəsində baş inspektor işləmək istəyən H. C-ya kömək edəcəyini deyib. Bu məqsədlə ondan 20 min manat pul alıb. Ancaq sonra ortada nə pul olub, nə də iş.

Aldadıldığını görən zərərçəkmiş hüquq-mühafizə orqanlarına üz tutub. Nəticədə E. Əliyev barəsində yuxarıda qeyd etdiyimiz maddə üzrə cinayət işi başlanıb.

Prosesə Nərimanov rayon Məhkəməsində baxılacaq. (lent.az)