Bakıda polis şöbəsində MÜƏMMALI ÖLÜM

Bakıda polis tərəfindən saxlanılan şəxs şöbədə ölüb.

Narkotiklərin qanunsuz dövriyyəsində təqsirli bilinərək Binəqədi rayon 4-cü Polis Şöbəsinə gətirilən 41 yaşlı Gəncəvi Məmmədov şöbədə ölüb.  Onun hansı səbəbdən ölməsi isə hələlik məlum deyil.

Daxili İşlər Nazirliyinin mətbuat xidmətindən Lent.az-a faktı təsdiqləyiblər.
Bildirilib ki, şöbədə vəfat edən G. Məmmədov ürəyində ağrıların olması barədə polisə məlumat verib. Dərhal bununla bağlı ilkin tibbi yardım göstərilib və təcili tibbi yardım çağırılıb. Lakin təcili yardım briqadası gələnə kimi G. Məmmədov şöbənin dəhlizində dünyasını dəyişib.