Bakıda qadın bank kartını belə oğurladı - ANBAAN VİDEO

Bakıda uşaq bərbərxanasından oğurluq olub.

BAKU.WS-in "qaynar xətti"nə daxil olan məlumata görə, hadisə aprelin 30-da, "Metropark" ticarət mərkəzindəki bərbərxanalardan birində qeydə alınıb. 

Belə ki, içəri daxil olan xanım burada telefonla danışıb, daha sonra buradakı bank kartını götürüb və ərazidən uzaqlaşıb. Ardınca isə kartdan 328 manat pul çəkib.

Sözügedən görüntülər təhlükəsizlik kameralarına əks olunub. 

Hadisə ilə əlaqədar Daxili İşlər Nazirliyinə müraciət etdik.

DİN-in mətbuat xidmətindən Nurlan Əliyev bildirdi ki, oğurluq faktı ilə bağlı daxil olmuş müraciət üzrə araşdırma aparılır.

Oğurluq anını təqdim edirik: