Bakıda qız bıçaqlandı - Anası saxlanıldı

Bakının Sabunçu rayonu Ramana qəsəbəsində qadın bıçaqlanıb. Avtosfer.az-ın məlumatına görə, bu barədə Respublika Təcili və Təxirəsalınmaz Tibbi Yardım Mərkəzindən bildirilib ki, bu gün saat 11:00 radələrində hadisə ilə bağlı çağırış qeydə alınıb. Çağırış ünvanına dərhal təcili tibbi yardım briqadası cəlb olunub. Yardım briqadası tərəfindən 1 nəfər (qadın) bədənin çoxsaylı kəsilmiş-deşilmiş yaraları diaqnozu ilə Sabunçu Tibb Mərkəzinə hospitalizasiya olunub.  Polis əməkdaşları tərəfindən keçirilən tədbirlər nəticəsində əməli törətməkdə şübhəli bilinən 1957-ci il təvəllüdlü F.Vəliyeva saxlanılıb. Faktla bağlı istintaq araşdırmaları davam etdirilir.

“Teleqraf”ın məlumatına görə, xəsarət alan 1985-ci il təvəllüdlü S.Kazımova anası tərəfindən bıçaqlanıb.