Bakıda sürücülər təbii ehtiyaclarını butulkaya edib yola atdılar - VİDEO

Paytaxtda piyada qarşılaşdığı xoşagəlməz görüntünü videoya çəkərək sosial şəbəkə hesabında paylaşıb.
Avtosfer.az xəbər verir ki, hadisə bir neçə gün əvvəl günorta saatlarında qeydə alınıb. Görüntüdən aydın olduğu kimi, içi bilinməyən maye ilə dolu bir neçə plastik butulka yola atılıb. Şikayətçinin iddiasına görə, taksi fəaliyyətiylə məşğul olan sürücülər təbii ehtiyaclarını butulkaya edərək yola tullayıblar. O, həmçinin hadisənin dəfələrlə şahidi olduğunu qeyd edib. Bu əməli törədən şəxslər isə yolu zibilləməklə yanaşı yola tökülən maye nəticəsində üfunətin ətrafa yayılmasına səbəb olurlar. İstənilən halda insan üçün bu davranış qəbuledilməzdir.
Təəssüflə qeyd edək ki, bəzi sürücülər sanitariya-gigiyena qaydalarına riayət etmirlər. Hətta yaxınlıqda zibil qutuları olsa belə küçəni siqaret kötüyü, qida tullantıları ilə zibilləyirlər.
Xatırladaq ki, qanunvericilikdə küçələri, ümumi istifadə üçün nəzərdə tutulmuş əraziləri, ictimai nəqliyyat vasitələrini zibilləməyə görə müəyyən cərimələr nəzərdə tutulub. 

Nərmin