Bakıda və Beyləqanda yolu keçən piyadaları maşın vurub öldürdü

Bakıda və Beyləqanda piyadaları maşın vurub.

Daxili İşlər Nazirliyindən Avtosfer.az-a verilən xəbərə görə, hadisə saat 15 radələrində Binəqədi rayonunun Binəqədi qəsəbəsi ərazisində baş verib. Qəsəbə sakini H.Nağızadə idarə etdiyi “Ford” markalı avtomobillə yolu keçən X.Kərimovanı vurub. Nəticədə xəsarətlə xəstəxanaya yerləşdirilən piyada orada ölüb.

Digər hadisə saat 11 radələrində Beyləqan rayonunun Qaradağlı kəndi ərazisində qeydə alınıb. Füzuli rayon sakini Ə.Məmmədov idarə etdiyi “Mercedes” markalı avtomobillə yolu keçən kənd sakini P.Cəfərovu vurub və nəticədə piyada hadisə yerində ölüb.