Bakıda yük avtomobilinin təkərləri yerindən çıxdı; Təhlükəli anlar - VİDEO

Paytaxtın Nizami rayonu, Heydər Əliyev prospektində hərəkət edən yük avtomobilinin təkərləri yerindən çıxıb. Bu barədə Avtosfer.az-a Daxili İşlər Nazirliyi Nəqliyyatı İntellektual İdarəetmə Mərkəzindən məlumat verilib. Məlumatda qeyd olunur ki, “Koroğlu” metrostansiyasının yaxınlığında qeydə alınan bu hadisədən hər bir sürücü nəticə çıxarmalıdır. "Sürücülər bilməlidirlər ki, hərəkətə başlamazdan əvvəl nəqliyyat vasitəsinin texniki sazlığı yoxlanılmalı və yaranmış porblem həll edilməlidir. Əks təqdirdə qəzaların baş verməsi qaçılmaz olacaq",- məlumatda qeyd edilir.