Belə hadisəyə şahid olmamışdınız: velosiped idarə edən sərxoş sürücü saxlanıldı

Sabunçu rayon Dövlət Yol Polisi Şöbəsinin əməktaşları qayda pozan velosiped sürücüsünü saxlayıblar. Avtosfer.az xəbər verir ki, saxlanılan şəxs qeyri-adekvat davranışları ilə polis əməktaşlarının şübhələnməsinə səbəb olub və bunun nəticəsində sürücü yoxlanışa dəvət edilib. Yoxlama zamanı həkimin rəyi ilə məlum olub ki, nəqliyyat vasitəsini idarə edən şəxs sərxoşdur.

Qeyd edək ki, İnzibati Xətalar Məcəlləsinin 338.6-cı əsində nəzərdə tutulur ki, 338.4 və 338.5-ci maddələrində nəzərdə tutulmuş xətaların yol hərəkəti iştirakçıları tərəfindən alkoqol, narkotik vasitələr, psixotrop maddələr və ya güclü təsir göstərən digər maddələrdən istifadə olunması nəticəsində sərxoş vəziyyətdə törədilməsinə görə, yetmiş manat məbləğində cərimə edilir.

Nurlan Sakitoğlu