“Bolt Food” şirkətinə məxsus velosipedi oğurlayan ağsaqqal kadrlara düşdü - VİDEO

Ətrafa diqqətlə göz gəzdirdi, insanların olmamasından istifadə edərək velosipedi oğurladı.
Avtosfer.az xəbər verir ki, sosial şəbəkələrdə qınaq obyektinə çevrilən hadisə Nərimanov rayonun Fətəli xan Xoyski 98a küçəsində qeydə alınıb. Mühafizə kameralarına düşən görüntülərdən aydın olduğu kimi orta yaşlı şəxs yol kənarındakı velosipedə minərək ərazini tərk edib. İlk baxışda normal video kimi görünsə də, paylaşan şəxsin hadisənin nə məqsədlə baş verdiyini oxuduqdan sonra fikirlər dəyişib. Belə ki, videoya düşən “qəhrəman” öncə ətrafı gözətləyib, sonra əsl məqsədini icra edib. Ehtiyatla velosipedə yaxınlaşan şəxs minərək hadisə yerindən uzaqlaşıb. “Bolt Food” şirkətində işləyən kuriyerin velosipedini oğurlayan “qəhrəmanın” etdiyi əməldən peşman olmadığı bariz görünür. 
Qeyd edək ki, zərərçəkən, görən, yaxud tanıyan şəxslərdən onun kimliyi ilə bağlı polis idarəsinə yaxınlaşaraq məlumat vermələrini xahiş edib. 

Nərmin Əkbər