Təcili yardım maşını bu dəfə can aldı - ŞOK Video

Təcili tibbi yardım maşınının hədəfinə tuş gəldi, həyatını itirdi.
Avtosfer.az xəbər verir ki, sosial medianın gündəmini zəbt edən video Slovakiyanın mərkəzi küçələrindən birində baş verib. Yol  kamerasına anbaan düşən görüntüdən bəlli olduğu kimi qırmızı işıqda yolu keçməyə çalışan piyada yalnız qarşı tərəfə baxaraq keçidin üzərində irəliləyir. Bu zaman yolun sol tərəfindən gələn təcili tibbi yardım maşını da eyni qaydada piyada keçidində hərəkət edən şəxsi görmədən davam edir. Nəticədə piyadanı yerə sərən ambulansın içindəki həkimlər vurulan şəxsi maşına yerləşdiriblər. Yenidən xəstəxanaya qayıdan təcili tibbi yardım vurulan piyadanın həyatını xilas edə bilməyib. 
Müşahidə kameralarında hər iki tərəfin qaydalara uyğun hərəkət etməsi görünsə də, onların diqqətsiz formada davranması bədbəxt hadisənin yaranmasına zəmin olub. Bu halla qarşılaşmamaq üçün piyadaları və sürücüləri yalnız keçid və işıqfora arxalanmayaraq ehtiyatı əldən verməməyə çağırırıq.

Nərmin Əkbər