Çağırdığı təcili yardım gəlmədi: ana tibb məntəqəsinə gedəndə dəhşətə gəlib – TƏFƏRRÜATLAR VİDEO

Uşağın qızdırması 40 dərəcəyə yüksəldi, anası təcili tibbi yardım çağırdı. Ancaq bir saat keçməsinə baxmayaraq, təcili tibbi yardım gəlməyib.

Avtosfer.az Xezerxeber.az-a istinadən xəbər verir ki, bu iddianı paytaxtın Binəqədi rayonunda yaşayan valideynlərdən biri edir. İlhamə Tapdıqova 1-ci mədən ərazisində yaşayır.

O, təcili tibbi yardım çağırdığını, yaxınlıqda təcili tibbi yardım məntəqəsi yerləşməsinə baxmayaraq, bir saatdan artıq müddətə heç bir köməyin gəlmədiyini iddia edir.

Şikayətçi iddia edir ki, çarəsiz qalaraq özü təcili yardım məntəqəsinə gedib. Məntəqənin həyətində isə 2 təcili tibbi yardım maşınının dayandığını görüb.

İlhamə Tapdıqova bildirir ki, 1-ci mədən ərazisində belə hadisələr dəfələrlə təkrar olunub.

Tibbi Ərazi Bölmələrinin İdarəetmə Birliyindən "Xəzər Xəbər"ə məsələ ilə bağlı aydınlıq gətirilib.

Mövzu ilə bağlı daha ətraflı videomaterialı təqdim edirik: