Cəlilabadda sel körpünü qəzalı vəziyyətə saldı

Cəlilabad rayonunun Vənlik kəndində yerləşən körpü yağışlardan sonra qəzalı vəziyyətə düşüb.

Avtosfer.az xəbər verir ki, kənd sakinlərinin APA-ya verdikləri məlumata görə, ötən ildən güclü yağışlar nəticəsində Vənlik kəndində körpü qəzalı vəziyyətə düşüb. Sonra körpü müvəqqəti olaraq təmir olunub. Ötən gecə yağan aramsız yağış yenidən körpünü istifadə üçün yararsız vəziyyətə salıb. Hazırda üç kəndin - Vənlik, Fərzili və Oğrubulaq kənlərinin sakinləri körpüdən istifadə edə bilmirlər.

Azərbaycan Avtomobil Yolları Dövlət Agentliyinin 46 saylı Yol İstismarı Məhdud Məsuliyyətli Cəmiyyətindən verilən məlumata görə, sözügedən körpüdə hazırda yenidən müvəqqəti təmir işləri aparılır. Yaxın zamanlarda isə körpü yenidən qurulacaq.