Dağıstanda turistlərin olduğu avtomobil uçuruma düşüb - FOTO

Dağıstanda turistlərin olduğu avtomobil uçuruma düşüb.

Bu barədə regional Daxili İşlər Nazirliyinin rəsmi “Telegram” kanalı məlumat yayıb.

“Şamil rayonunun Mitliurib kəndində 41 yaşlı Nijni Novqorod sakini “Volkswagen Tiguan” markalı avtomobili idarə edərkən idarəetməni itirib. Avtomobil yoldan çıxıb və 100 metr dərinliyə yuvarlanıb”, - deyə nazirliyin bəyanatında deyilir.

Qəza nəticəsində avtomobilin sürücüsü yerindəcə keçinib. Salonda həmçinin 11 yaşlı sərnişin də olub ki, qəza nəticəsində müxtəlif dərəcəli bədən xəsarətləri alıb və xəstəxanaya yerləşdirilib.