Dərbənddə kənd rəhbəri küçənin ortasında güllələndi - VİDEO - FOTO

Dərbənd rayonunun Rubas kəndinin başçısı Hacıqurban Bayrambəyov küçənin ortasında insanların gözü qarşısında qətlə yetirilib.

O, nahar vaxtı administrasiyadan çıxanda güllələnib. Sosial şəbəkələrdə cinayətin baş verdiyi anın görüntülər yayılıb.

Bayrambəyovun qətlini törədən Sadiq Taibov saxlanılıb. Onun özü polis əməkdaşlarına zəng vuraraq cinayətini etiraf edib.

Taibov hüquq-mühafizə orqanlarının əməkdaşlarına bildirib ki, Bayrambəyovla daşınmaz əmlakla bağlı münaqişəsi olub. Şübhəlinin sözlərinə görə, onunla kənd rəhbəri arasında mübahisə çoxdan yaranıb və dinc yolla bunu həll etmək mümkün olmayıb.

O da bildirilir ki, yeddi il administrasiyada çalışan Bayrambəyov kollektiv və ümumən xalq tərəfindən sevilib.