Əməliyyat zamanı qayçı qızın qarın boşluğunda qaldı - VİDEO

Gürcüstanda aylar öncə əməliyyat edilmiş soydaşımızın bədənində əməliyyat zamanı istifadə edilən qayçının qaldığı müəyyən edilib.

Əməliyyatdan bir müddət sonra 22 yaşlı Səbinə Güləhmədovanın bədənində yenidən güclü ağrılar baş qaldırıb.

Dərhal bu barədə əməliyyatı edən həkimə məlumat verilib. Gənc qız eyni həkim briqadası tərəfindən yenidən əməliyyat edilib və qayçı qızın bədənindən çıxarılıb.

Əməliyyatı icra edən cərrah Nika Sarauli ilə əlaqə saxladıq. O, baş vermiş hadisə ilə əlaqədar danışmasa da, Səbinə Güləhmədovanın hazırkı vəziyyətinə aydınlıq gətirib.

Hazırda Səbinə Güləhmədovanın müalicəsi davam etdirilir.