FHN-in Masallıda yanğının söndürülməsinə cəlb olunan təyyarəsi qəza enişi edib
Hadisə 28 Avqust 2022 18:29 Oxunub 1112
FHN-in Masallıda yanğının söndürülməsinə cəlb olunan təyyarəsi qəza enişi edib

Fövqəladə Hallar Nazirliyinin (FHN) təyyarəsi Lənkəranda qəza enişi edib.

Bu barədə Avtosfer.az -a FHN-ə istinadən xəbər verir.

Masallı rayonunun Məmmədoba kəndi yaxınlığında mürəkkəb relyefli dağlıq ərazidə baş vermiş yanğının söndürülməsi əməliyyatına cəlb olunmuş FHN-ə məxsus “BE-200ÇS” amfibiya tipli təyyarədə texniki problem yaranıb.

Bununla bağlı təyyarənin ekipajı tərəfindən Lənkəran Beynəlxalq Hava Limanına təcili enmə qərarı verilib.

Ekipaj üzvlərinin peşəkarlığı sayəsində təyyarə saat 16:38-də Lənkəran Beynəlxalq Hava Limanına qəza enişi edib.

Hadisə nəticəsində xəsarət alan olmayıb.

ŞƏRH YAZ
Ad

E-mail

Şərh