Fikrini dəyişən sürücü orta zolaqdan əks yola çıxmaq istədi - VİDEO

Orta zolaqla gedən sürücü anidən qəranını dəyişdi və birbaşa əks tərəfə keçmək istədi.
Avtosfer.az xəbər verir ki, hadisə Yasamal rayonunun Abbas Mirzə Şərifzadə küçəsində qeydə alınıb. Avtomobilin videoregistratorunda əks olan görüntüdən aydın göründüyü kimi qarşıda hərəkət edən “Kia Rio” markalı avtomobil qəfil fikir dəyişikliyi ilə yolun əks istiqamətinə keçməyə cəhd edib. Əksər sürücülər kimi sıxlığın olmamasından istifadə edən sürücü sol zolağa daxil olmadan birbaşa ikinci zolaqdan dönmək istəyib. Nəticədə arxadan gələn avtomobil üçün təhlükəli vəziyyət yaranıb. Xoşbəxtlikdən avtomobil işini ehtiyatlı tutub və son anda qəza təhlükəsinin qarşısını alıb. 
Qeyd edək ki, bu yola baş vuran sürücülər “Yol hərəkəti haqqında” qanunun maddəsində əksini tapan manevr etmə qaydasına zidd hərəkət etdiyi üçün İnzibati Xətalar Məcəlləsinin 327.1 maddəsinə əsasən, 40 manat cərimə ödəmək məcburiyyətindədirlər. 

Nərmin