Fotosessiyadan sonra sevgilisini 30 bıçaq zərbəsi ilə öldürdü

Rusiyanın paytaxtı Moskvada kişi fotosessiyaya getdikdən sonra sevgilisini öldürüb.

Avtosfer.az Rusiya KİV-ə istinadla bildirir ki, Moskvada 34 yaşlı sevgilisini qətlə yetirən 33 yaşlı kişi saxlanılıb.

Faciə yanvarın 3-də Polina Osipenko küçəsində yerləşən yaşayış binasının mənzilində baş verib. Müstəntiqlər mərhumun bədənində ən azı 30 bıçaq yarası aşkar ediblər.

Məlumata görə, cütlük bir neçə günə Voloqdadan paytaxta gəlib. Onlar bayram fotosessiyasından sonra kirayə yaşadıqları evə qayıdıblar. Qonşuların dediyinə görə, qışqırıq və kömək yalvarışlarını eşidəndən sonra polisə müraciət ediblər.

Faktla bağlı Rusiya Federasiyası Cinayət Məcəlləsinin 105-ci maddəsinin 1-ci hissəsi (“Qətl”) ilə cinayət işi başlanıb. Yaxın vaxtlarda istintaq şübhəlinin həbsi üçün məhkəməyə müraciət etməyi planlaşdırır.