Gəncədə minik avtomobili ağaca çırpılıb, ata və oğul xəsarət alıb - FOTO

Gəncədə ağır yol qəzası baş verib.

Avtosfer.az xəbər verir ki, hadisə şəhərin Şahsevənlər küçəsində qeydə alınıb. "VAZ-2107" markalı avtomobilin ağaca çırpılması nəticəsində avtomobildə olan ata və oğul xəsarət alıb. Yaralılar Gəncə şəhər Təcili Tibbi Yardım Xəstəxanasına yerləşdirilib və onların vəziyyəti ağırdır. Xəsarət alan şəxslərin kimliyi dəqiqləşdirilir.