Gəncədə mağazadan oğurluq etmək istədi: İş başında yaxalandı - ANBAAN VİDEO

Gəncədə mağazadan oğurluq etmək istəyən şəxs cinayət başında saxlanılıb.

Daxili İşlər Nazirliyinin Mətbuat Xidmətinin Gəncə regional qrupundan Avtosfer.az-a verilən məlumata görə, hadisə aprelin 1-i gecə saatlarında baş verib. Gəncə Regional Mühafizə İdarəsinin xidmətdə olan əməkdaşları tərəfindən obyektə baxış zamanı mağazanın arxa pəncərəsinin naməlum şəxs tərəfindən sındırıldığı və içəriyə daxil olunduğu müəyyən edilib. Həmin cinayəti törətməkdə şübhəli bilinən şəxs hadisə yerindən qaçmaq istəyərkən mühafizə polisinin əməkdaşları tərəfindən saxlanılıb və ərazi üzrə Kəpəz Rayon Polis İdarəsinə təhvil verilib. İstintaq zamanı mağazaya daxil olan şəxsin Gəncə şəhər sakini İlham Zeynalabdıyev olduğu müəyyən edilib. Faktla bağlı araşdırmalar davam etdirilir. Sözügedən hadisənin anbaan görüntülərini təqdim edirik: