Güclü külək rayonlarda fəsadlar törədib; avtomobillərə ziyan dəyib - VİDEO
Hadisə 6 Sentyabr 2022 20:08 Oxunub 648
Güclü külək rayonlarda fəsadlar törədib; avtomobillərə ziyan dəyib  - VİDEO

Lənkəranda iri gövdəli ağaclar aşıb, evlərin dam örtüyünə və avtomobillərə ziyan dəyib.

Xezerxeber.az-ın məlumatına görə, güclü külək köhnə Ələt - Astara magistralında, Lənkəranın Ləvəngi dairəsinə yaxın ərazisində iri gövdəli ağacı magistral yola və avtomobilin üzərinə aşırıb.

Daha bir ağac isə şəhərin Koroğlu küçəsində Nuranə Əliyevaya məxsus evinin dam örtüyünə aşıb. 

Təbbi fəlakətin vurduğu zərər və onun aradan qardırılması üçün sakinlər dərhal aidiyyatı üzrə zəng edib kömək istəyiblər. Daha ciddi fəsadların baş verməməsi üçün əraziyə gələn elektrik enerjisinin verilişi dayandırılıb. Fəsadların aradan qaldırılmasına görə rayon icra hakimiyyəti tərəfindən texnika ayrılıb. Görülən tədbirlər nəticəsində qısa müddətdə fəsadlar aradan qaldırılıb. 

Güclü külək Goranboyda da fəsadlar törədib. Rayon mərkəzi ilə yanaşı bir neçə kənddə elektrik enerjisinin verlişində fasilələr yaranıb. Təbiət hadisəsi zamanı Goran-Qızılahcılı yolunun rayonun Balakürd kəndindən keçən hissəsində yol kənarındakı iri qovaq ağacı küləyə tab gətirməyərək aşıb. Aşan ağacın iri budaqları yolda avtomobillərin hərəkətinə çətinliklər yaradıb. Rayonun Boluslu, Məşədiqaralar və digər kəndlərində isə elektirik verilişində fasilələr yaranıb. Adıçəkilən kəndlərə enerji verilişi bir neçə saat sonra bərpa edilib.

Xezerxeber.az mövzu ilə bağlı daha ətraflı videomaterialı təqdim edir:

 

ŞƏRH YAZ
Ad

E-mail

Şərh