Hacıqabulda iki azyaşlı yanıq xəsarətləri alıb.

Hadisə şəhərin Həmid Həmidov küçəsi 159 ünvanında yerləşən evdə qeydə alınıb.

Həmin ünvanda yaşayan və valideynlərinin nəzarətindən yayınan 2016-cı il təvəllüdlü İsmayılova Məleykə Alik qızı, qardaşı, 2019-cu il təvəllüdlü İsmayılov Əkbər Alik oğlunun üstünə çaydandan qaynar su tökülüb.

Müxtəlif dərəcəli yanıq xəsarətləri alan bacı-qardaş Hacıqabul Rayon Mərkəzi Xəstəxanasına çatdırılıb.

Faktla bağlı araşdırma aparılır. (report)