Uqranın Beloyarski şəhərindəki hava limanının əməkdaşı təyyarənin pərinin altına düşüb və aldığı xəsarətlərdən yerindəcə ölüb. Bu barədə RİA Novosti Ural Nəqliyyat Prokurorluğuna istinadən yazır.

Agentliyin mənbəsinin məlumatına görə, qəza avqustun 19-da yerli vaxtla saat 13:48-də baş verib. 48 yaşlı kişi "UTair Airlines-a məxsus An-24 təyyarəsinin buraxılması proseduru zamanı" xəsarət alıb. Hadisənin digər təfərrüatları açıqlanmayıb.

Hazırda hava limanının binasında istintaq-əməliyyat qrupu işləyir. Rusiya İstintaq Komitəsinin Nəqliyyat üzrə Mərkəzi Regionlararası İstintaq İdarəsi də yoxlama təşkil edib.

Qeyd edək ki, iyulun sonunda Yunanıstanda 21 yaşlı britaniyalı turisti helikopter vurub və ailəsinin gözü qarşısında ölüb. Hadisə yerinə gələn təcili xidmətlər ölümün anında baş verdiyini müəyyən edib.