"Hyundai"la qəbiristanlığa oğurluğa gəldi

İsmayıllıda qəbiristanlıqdan oğurluğa cəhd olunub.

Daxili İşlər Nazirliyindən Avtosfer.az-a verilən xəbərə görə, hadisə dekabrın 23-də İsmayıllı şəhəri ərazisində yerləşən qəbiristanlıqda qeydə alınıb. Məzarların ətrafına çəkilmiş 16 ədəd dəmir barmaqlığı “Hyundai” markalı avtomobili ilə oğurlamağa cəhd göstərən şəxs İsmayıllı rayon Polis Şöbəsinin əməkdaşları tərəfindən saxlanılıb.

Onun şəhər sakini, əvvəllər məhkum olunmuş E.Ziliyev olması müəyyən olunub.

Araşdırma aparılır.