İki azyaşlı evdə diri-diri yandı

Rusiyanın Krasnodar diyarının Kuşçevski rayonunun Komsomolski kəndində fərdi yaşayış evi yanıb.

Sahəsi 10 kvadratmetr olan yanğın gecə saatlarında baş verib. Yanğının söndürülməsinə 35 yanğınsöndürən və 12 ədəd texnika cəlb olunub. Yarım saatdan sonra yanğın lokallaşdırılıb, əlavə 5 dəqiqədən sonra söndürülüb.

Yanğın yerində 2020 və 2022-ci il təvəllüdlü iki uşağın meyiti tapılıb.

Rusiya Federasiyası İstintaq Komitəsinin bölgə üzrə İstintaq İdarəsinin mətbuat xidməti xəbər verir ki, faktla bağlı “Ehtiyatsızlıqdan iki nəfərin ölümünə səbəb olma” maddəsi ilə cinayət işi açılıb. İstintaqın məlumatına görə, evdə iki uşaqla 22 yaşlı yerli sakin yaşayıb. Güclü yanğın və tüstüdən o, uşaqlarını xilas edə bilməyib. Qadın evdən qaçıb, qonşular yanğınsöndürənləri çağırıb.

Yanğının ilkin səbəbi kimi elektrik cihazında elektrik kəsilməsi göstərilir. (lent.az)