İrandan Azərbaycana qaçanlar saxlanıldı - FOTO

İran-Azərbaycan dövlət sərhədində pozuntu aşkarlanıb.

Dövlət Sərhəd Xidmətindən Avtosfer.az-a verilən xəbərə görə, hadisə iyun ayının 2-də saat 22 radələrində “Lənkəran” sərhəd dəstəsinin xidməti ərazisində baş verib. Keçirilmiş sərhəd axtarışı və əməliyyat tədbirləri nəticəsində İrandan Azərbaycan istiqamətində dövlət sərhədini pozan Əfqanıstan vətəndaşları Hevad Əsədziya Həbibulrəhman oğlu, Feyzi Əbdülbasid Əbdülzahir oğlu və Həbibi Mutyullah Əbdülmətin oğlu saxlanılıblar.

Fakt üzrə istintaq-əməliyyat tədbirləri davam etdirilir.