Keçmiş mer həbsdə özünü öldürdü - FOTO

Rusiyanın Arxangelsk vilayətinin Kotlas şəhərinin keçmiş meri Andrey Bralnin həbsxanada intihar edib.

Hadisə bu gün günorta saatlarında Velsk şəhərində yerləşən istintaq təcridxanasında baş verib. Mərhum korrupsiyada ittiham olunaraq, saxlanılıb. 

Bralnin 2013-cü ilin sentyabrından Kotlasın meri olub və 2021-ci ilin fevralında istefa verib. Həmin ilin martında o, Moskvada FSB tərəfindən saxlanılıb. Keçmiş məmura qarşı rüşvət alma və vəzifə səlahiyyətlərindən sui-istifadə maddəsi ilə cinayət işi başlanıb. Ümumilikdə o, 18 milyon rubla qanunsuz mənimsəmədə ittiham olunub. (lent.az)